Tutun faydalarından xəbərsiz olub tut ağacını kəsən tiplər də var – Ekspert Açıqlaması
Əvvəllər hər kəsin həyətində və ya qapısının ağzında tut ağaclarına rast gəlmək mümkün idi. Bu gün isə artıq tut ağaclarına və onun meyvəsinə bəzi insanlar tərəfindən laqeydliklə yanaşılır. Hətta yerə tökülən tut meyvəsinə bəzi həşəratların daraşdığı üçün ağacı kökündən kəsən tiplər də az deyil.
Tut təbiətin möcüzəsidir. Onun faydalı təsirlərindən bu gün də demək olar ki, hər yerdə istifadə olunur .
Tut C, B, K, A və E vitaminləri, həmçinin kalium, maqnezium, manqan və dəmirlə zəngindir.Qara tut isə müxtəlif müalicəvi xüsusiyyətlərə malik olduğu üçün ən çox müalicələrdə ondan istifadə olunur. Qara tut sidik yollarının infeksiyaları, yuxarı tənəffüs yolları və boğaz xəstəliklərini müalicə etmək üçün istifadə olunur.Bundan əlavə qara tut tez-tez epilepsiya, başgicəllənmə, yuxusuzluq və ya depressiyanı müalicə etmək üçün də istifadə olunur. Tuta qara rəngi verən antosianin maddəsinidə unutmaq olmaz.Qara tuta qara rəngi verən antosianin maddəsi yaşlanmanın qarşısını alır,bura tut yarpaqları da daxildir.
Çox qədimlərdən bu günümüzə qədər gəlib çıxan dədə baba resepti ilə hazırlanan tut bəhməzini də xüsusi vurğulamaq istəyirəm.Dəmirlə zəngin olan tut bəhməzi həm qan azlığına,həm boğaz infeksiyalarına,qara ciyərə, sümüklərin bərkiməsinə və immun sisteminin güclənməsinə böyük dəstək olur.
Tutu çox qədimdlərdən həmdə qurudurdular və hətta bəzi ölkələrdə üyüdülmüş quru tutdan qatqı maddələri kimi də istifadə olunurdu. Tut qurusunun da çox faydaları var.Xüsusilə çay içərkən şəkər əvəzinə istifadə olunması daha məqsədəuyğundur və faydalıdır.Tut qurusu həzm sisteminə, anemiya kimi qan xəstəliyinə, infeksiyaların orqanizmdən çıxarılmasına,qan təzyiqi və ürək qan damar sisteminə də faydaları çoxdur.
Ağa Salamov / Qida Eksperti
