At və uzunqulaq əti satışında kimlər məsuliyyətdən yaxa qurtarır?- Mütəxəssis Açıqlaması
Son zamanlar AQTA- nın həyata keçirdiyi monitorinqlər də ölü at ətinin mal əti adı altında satışını təşkil edən şəxslər aşkar olunur. Bu sözləri qidaelmi.az saytına qidaelmi.az saytının təsisçisi,Qida məsələləri üzrə mütəxəssis,Ağa Salamov deyib.
Onun sözlərinə görə,Leş alverçiləri inzibati məsuliyyətə cəlb olunsada təssüf ki, bəzi dönərxana,kafe,kolbasa sexləri və restoran sahibləri bu məsuliyyətdən rahatca yaxa qurtara bilirlər. At və uzunqulaq ətinə tələbat olmasa satışı da olmaz deyə düşünürəm. Bunun üçün də monitorinqlər kəsim yerindən bir başa satış nöqtəsinə qədər aparılması vacibdir.
Biri var əsl sahibkar, biri də var sahibkarlıq adı altında əsl işbazlar. Bu işbazlar uşaq, yaşlı və hamilə demədən hətta risk qrupuna daxil olan insanları belə düşünmədən onları zəhərləyirlər. Buna görə də hər zaman biz istehlakçıları diqqətli olmağa çağırırıq.
At və uzunqulaq ətini normal ətdən necə seçmək olar?
1.İlk növbədə ət alarkən onun rənginə diqqət etmək lazımdır. At və uzunqulaq əti normal ətdən daha tünd və qara rəng çalarlarını özündə ehtiva edir.
2.İkinci məsələ isə at və uzunqulaq ətində olein yağ turşuları çox olduğuna görə, sarı piylərə rast gəlinir . Əgər həddindən artıq sarı piylərə rast gəlinirsə o zaman o ətdən uzaq durmaq məsləhətdir.
3. İstehlakçılar bir məsələdə də diqqətli olmalıdırlar ki, aldıqları ət şirə salmış, rengini və qozlxusunu dəyişmiş ət olmasın. Bu cür ət məhsulları təhlükəli hesab olunur.
Qida Məsələləri Üzrə Mütəxəssis Ağa Salamov
