Qışın möcüzəvi meyvəsi olan “Xurmanın” sağlamlığa inanılmaz faydaları – MÜTƏXƏSSİS AÇIQLAMASI
Orqanizm üçün bir çox faydası olan xurmanın faydalarını saymaqla bitmir. Özlüyündə bir çox vitamin ehtiva edən xurmanın faydaları vətəndaşlar tərəfindən intensiv şəkildə araşdırılır. Əla antioksidant mənbəyi olan və tərkibində güclü vitaminlər olan, xəstəlik proseslərində müxtəlif rol oynayan, orqanizmin müdafiə sisteminə kömək edən, maddələr mübadiləsini gücləndirən xurmanın faydaları nələrdir? Bu barədə qidaelmi.az – a açıqlamasında qida məsələləri üzrə mütəxəssis Ağa Salamov danışıb.
Xurma vitamin və mineral baxımından çox zəngin qidadır. Tərkibində A, C, B1, B2, B3 və B6 vitaminləri, fosfor, zülal, kalsium, dəmir, natrium, sellüloza, kalium və maqnezium var.
İmmunitet Sistemini Gücləndirir
C vitamini mənbəyi olan xurma ağ qan hüceyrələrinin istehsalını artıraraq immunitet sistemini gücləndirir. Ağ qan hüceyrələri bədəndə viral, bakterial və digər toksinlərə qarşı müdafiə rolunu oynayır. Bədəndəki iltihab viruslara və xəstəliklərə qarşı təbii müdafiədir. Xəstəlik bitsə belə, bədəndə qalmağa davam edə bilər. Vitamin C sümüklər, qan damarları və dəri də daxil olmaqla birləşdirici toxumaları qoruyarkən bədəndəki bu iltihabı azaltmağa kömək edir. Vitamin C dərinin elastikliyini artıran, sağalmanı sürətləndirən və orqanizmdə antioksidanların səviyyəsini artıran kollagenin istehsalını artırır. C vitamini xərçəng, astma və ürək-damar xəstəliklərinin inkişafının qarşısını alır.
Göz Sağlamlığını Qoruyur
A vitamini göz sağlamlığı üçün vacib bir vitamindir. A vitamini kornea (İnsan gözünün ən ön hissəsində yer alan şəffaf və yüksək qırıcılıq xüsusiyyətinə malik olan toxuma) və gözün beyinlə əlaqəsini qoruyur. Bildiyimiz kimi,A vitamini ilə birlikdə xurma daha faydalı qidaya çevrilir. Bunlar görmə qabiliyyətini yaxşılaşdırsa da, katarakt və makula degenerasiyası kimi yaşa bağlı təhlükələrin riskini azalda bilər. Qlaukoma, gecə korluğu və s mənfi təsirlərdən qoruya bilər. Bir xurma gündəlik A vitamini ehtiyacının yarıdan çoxunu təmin edir.
Həzm Sistemini Bərpa Edir
Xurmanın tərkibində B6 vitamini var. Vitamin B6 zülalları, yağları və karbohidratları parçalamağa kömək edir və enerji səviyyələrini tarazlaşdırır. Qaz, şişkinlik və qəbizlikdən əziyyət çəkənlər üçün çox faydalıdır. Xurmanın tərkibindəki taninlər və polifenollar həzm sistemindəki infeksiyaları azaltmaqda anti-mikrob xüsusiyyətlərə malikdir. Bundan əlavə, xurmanın tərkibindəki lif bağırsaqların düzgün işləməsi üçün floranı tarazlaşdırmağa kömək edir. Tərkibində 6 qrama qədər lif olan bu meyvə gündəlik 24-25 qram lif ehtiyacının dörddə birini ödəyir.
Stressi Aradan Qaldırar
Xurma stresli anlarınızda əsl damaq dadı olan bir qida olaraq qarşımıza çıxa bilər.Narahatlığı və stressi aradan qaldıracaq antioksidant mineralları olan bu faydalı meyvə faydalı bir antidepresandır. Xoşbəxtlik hormonunun ifrazı və stressdən uzaq olmaq üçün müntəzəm olaraq xurma istehlak edə bilərsiniz.
Ürək Sağlamlığının Qalxanıdır
Yüksək lif hipertansiyonun qarşısını almaqla yanaşı, ürək sağlamlığını da qoruyur. İmmunitet sistemini gücləndirir və xəstəliklərə qarşı qoruyucu təsir göstərir. Tərkibindəki yüksək karbohidrat səbəbindən şəkərli diabet xəstələri üçün gündə xurmanın yarısını istehlak etmək ideal olardı. Şəkərli diabet xəstələri bu mövzuda diqqətli olmalıdırlar.
Qida Məsələləri Üzrə Mütəxəssis Ağa Salamov
