Uşaqlar arasında yayılan xəstəliklərdə qidaların da rolu var – İmmun Sistemini Zəiflədən Nədir?!
Son günlərdə uşaqlar arasında tez-tez infeksiyaya yoluxma hallarına rast gəlinir. Buna səbəb soyuq havalarla yanaşı, həm də uşaqların məktəb və bağçalarda bir-biri ilə daha çox ünsiyyətdə olmağı onların xəstələnməyinə gətirib çıxardır.
Bu kimi halların yaranmasında qidaların keyfiyyətsizliyi səbəb ola bilərmi?ednews bu barədə qida eksperti və infeksionistin fikirlərini öyrənib.
Qida eksperti Ağa Salamov açıqlamasında bildirib ki, valideynlər bu mövzuda uşaqlara ciddi yanaşmalıdırlar.
“Valideynlər uşaqları restorana aparanda, onlara qızardılmış “free” kartof yeməyi alırlar. Bu məhsul da nişastadan ibarətdir. Onun hazırlanma prosesi fərqlidir. Məhsulun şax qalması, soyuducuda deformasiyaya uğramaması, görünüşünü itirməməsi üçün əlavə qatqı maddələrindən istifadə olunur. Bu məhsullar xüsusi aparatlarda bişirilir. Uşaqların immun sisteminə təsir edən qidalardandır”.
Ağa Salamov qazlı içkinin immun sistemin düşməni olduğunu bildirdi.
“Valideynlər evdə saxladığı gülə təmiz su verib, öz uşaqlarına isə rəngli qazlı su içirdirlər. Bu rəngli suların tərkibindəki şəkər miqdarının tənzimlənməsi üçün fosfor turşusundan istifadə olunur. Həmçinin şəkər miqdarı da artıqdır.Təbii suyun tərkibində olan minerallar, rəngli suların tərkibində yoxdur. Mağazalarda uşaqlar üçün satılan məhsullar var ki, onlar uşaqlar da asılılıq yaradır”.
O həmçinin bildirib ki, uşaqların xəstələnməsinin səbəblərindən biri iqlim dəyişikliyidirsə, digər səbəbi də, məhz, valideyn diqqətsizliyindən yaranır.
“Təklif edirəm ki, valideynlər uşaqlara rəngli içkilər əvəzinə evdə bişirilən kompot içirsinlər, mövsüm meyvələrindən istifadə etsinlər. Yeməklərdə zeytun yağından istifadə etsinlər. Zeytun yağı “Omega-3” ilə zəngindir. Bu məhsul immun sistemini gücləndirir”.
İnfeksionist Rasif Bağırov qeyd etdi ki, belə bir virus xəstəliklərinin olması adətən, hər il müşahidə olunan bir hadisədir. Hava temperaturu dəyişdikcə uşaqların bədən temperaturunda da dəyişikliklər olur. Bu kütləvi bir hal alanda artıq narahatlıq doğurur.
“Belə halların qarşısını almaq üçün birinci uşaqların düzgün qidalanmasını, yuxu və istirahət rejiminin olmasını təmin etmək lazımdır. Qidalanma ən vacib amillərdən biridir. Uşaqların bədəninə kifayət qədər minerallar və vitaminlər daxil olmalıdır ki, bədənin müqavimət qabiliyyəti yüksək olsun. O nöqteyi-nəzərdən, ən çox kalsium preparatlarından istifadə etmək lazımdır. Uşaqların 17 yaşa qədər ehtiyac duyduğu vitamindir. Məsləhət bilərdim ki, tərkibində ən çox K2 vitamini olan kalsium preparatlarından istifadə etmək daha məqsədə uyğundur”.
Qida Məsələləri Üzrə Mütəxəssis Ağa Salamov
