“Qızıl Şah 2022” çempionatının qalibləri beynəlxalq səviyyədə uğur qazanıblar – (FOTO)
Dövlət Turizm Agentliyinin Milli Kulinariya Mərkəzinin dəstəyilə keçirilən “Qızıl Şah 2022” çempionatının qalibləri beynəlxalq səviyyədə uğur qazanıblar.
Azərbaycan Kulinariya Mütəxəssisləri Assosiasiyasının təmsilçiləri (AKMA) Sinqapurda keçirilən Asiya çempionatında ölkəmizi layiqincə təmsil edərək qızıl, gümüş və bürünc medal sahibi olublar.
AKMA-nın “Junior” komandasının üzvləri Kamilla Qasımova və Leyla Vəliyevanın finalda qələbə qazanaraq qızıl medal sahibi olublar. Bundan əlavə, fərdi yarışmalarda Leyla Vəliyeva 2 gümüş medal və Rəşad Yusifov 2 bürünc medal qazanıb.
Qeyd edək ki, gənc kulinarlar Dövlət Turizm Agentliyinin dəstəyilə keçirilən “Qızıl Şah” çempionatının qalibləri kimi Sinqapur yarışmasına vəsiqə qazanmışdılar. Azərbaycanlı gəncləri təbrik edir, onlara gələcək fəaliyyətlərində uğurlar arzulayırıq.
Ağa Salamov Qida Məsələləri Üzrə Mütəxəssis
