Bitki yağlarının insan orqanizmi üçün faydaları və istifadəsi – MÜTƏXƏSSİS ARAŞDIRMASI
Bitkilər təbiətin bizə hədiyyəsidir. Bu yazıda yağ kimi istifadə edildikdə bir çox faydası olan bitkilərin faydalarından bəhs edəcəyik.Bitki yağları bir çox cəhətdən bizim üçün faydalıdır. Hər bitkinin özünəməxsus xüsusiyyəti var. Bitki yağlarının saç baxımından selülit müalicəsinə, mədə pozğunluğundan dəri baxımına qədər bir çox faydası var. Beləlikə bitki yağlarının faydaları haqqında Qida məsələləri üzrə mütəxəssis Ağa Salamov qidaelmi.az saytına açıqlamasında bildirib.
Zeytun yağı gözaltı şişləri aradan qaldırdığı kimi, dodaqların qurumasının da qarşısını alır. Zeytun yağı ilə azca limon suyunu qarışdırıb pambıq vasitəsilə dodaqlara sürtsək, dodaqların qurumasının qarşısını almaq olar. Zeytun yağı dərinin nəmlənməsi və saçlar üçün də faydalıdır. Cavanlıq mənbəyi olan bu yağ ilə həm daxilinizi qida olaraq,həm də bədəninizi kosmetik vasitə olaraq istifadə etməklə cavanlaşdıra bilərsiniz.
Nanə yağı mədədə rahatıq yaradır,baş və sinir ağrılarında da ağrıkəsiçi təsirə malikdir.Əzələ ağrılarında da istifadə olunan nanə yağı, mövsümü allergiya xəstəliyi üçün də çox faydalıdır. Beynin fəaliyyətinə dəstəkçi olan bu yağ,diqqət,fokuslanma, konsentrasiyanın artmasına yardımçı olduğu kimi,yaddaşı da gücləndirir.
Kəklikotu yağı təbii yağlar sırasındadır və keçmişdən günümüzə bir çox xəstəliyin dərmanı kimi tanınır. Qədim dövrlərdən bəri xüsusilə tənəffüs yolu xəstəlikləri və dəri problemlərində istifadə edilən kəklikotu yağı həm də təbii antioksidantdır və hətta xərçəng hüceyrələri ilə də mübarizə apara bilir. Möcüzəvi kəklikotu yağının infeksiyaları məhv etmək, narahatlığı azaltmaq, bədəndən toksinləri çıxarmaq və yuxusuzluğu müalicə edir.Soyuqdəymə üçün əla təbii vasitə olan kəklikotu yağı ən güclü antioksidantdır.
Qoz yağı ürək sağlamlığı,dəri sağlamlığı,immun sisteminin bərpası,ağız və diş sağlamlığına qədər faydalı bir yağdır və şəfa qaynağı olaraq alternativ tibbdə uzun müddət istifadə olunub. B1,B2,B6,C və E vitaminlləri ilə zəngin olan qoz yağı,o cümlədən doymamış yağ turşuları və polifenol ilə zəngindir.Qoz yağı saç qaşıntısının qarşısını alır. Günəş yanığı olan dəriyə də faydalıdır. Qoz yağı qan dövranını tənzimləyir,qan şəkərini balanslaşdırır və ürək qan damar xəstəliyinin qarşısını alır.
Böyürtkən yağ bir çox kosmetik vasitələrdə istifadə edilən yağlardandır. Cildin təmizlənməsi və canlanması üçün vacibdir. Eyni zamanda 100ml suya iki üç damla böyürtkən yağı əlavə edərək üzü silməklə faydalanmaq olar. Böyürtkən yağı diş ağrısı üçün də istifadə olunur.Bir stəkan suya azca böyürtikən yağı əlavə edərək ağzınızı qarqara edə bilərsiniz. Diş əti qanamasının və çürüməsinin qarşısını alır.
Çiyələk yağı ayaqlar və topuq daban üçün yumuşaldıcı rola malikdir. Ayaq barmaqları arasına pambıq vasitəsi ilə sürtdükdə ayaq qoxusunu aradan qaldırır. Çiyələk yağının tərkibindəki alfa-hidroksi turşusu dəridəki ölü hüceyrələrin məhvinə səbəb olur. Həmçinin dərini hərtərəfli təmizləyərək dərinin keyfiyyətini yaxşılaşdırmağa kömək edir. Dərinizi qorumaq üçün çiyələk yağından istifadə edə bilərsiniz.
Qaysı yağı və ya qaysı çəyirdəyi yağı eyni xaraterə malikdir. Bu yağ dırnaqların möhkəmlənməsi üçün istifadə edilir. Qaysı yağı ürək sağlamlığını qorumaqla yanaşı orqanizmdəki pis xolesterin səviyyəsinidə aşağı salır. İmmun sistemini gücləndirən və maddələr mübadiləsini sürətləndirən qaysı yağı səhər, nahar və axşam salatlarında istifadə edilə bilər.
Qida Məsələləri Üzrə Mütəxəssis Ağa Salamov
